Серуен немесе (жаяу жүру) - балабақшадағы негізгі сауықтыру шараларының бірі. Балалар серуендеуді қалай жақсы көреді десеңіздерші!
Балабақшадағы кез-келген серуен бақылаудан басталады. Бұл кезде балалар жаңа бейнелерді тамашалап, жаңа білімдерді жинақтайды. Әр маусымның өзіндік әсемдігі бар: алтын күз, аппақ қыс, гүлденген көктем, жайдарлы жаз. Балалар серуенде зерікпейді. Дұрыс ұйымдастырылған серуен балалардың қоршаған ортаны тану кезіндегі тәуелсіз әрекеттерге, жаңа айқын әсерлерге, еркін белсенді қозғалыстарға және ойынға деген қажеттілігін толығымен қанағаттандырады. Табиғатпен қоршалған бала оған тамсануға, табиғат құбылыстарын байқауға үйренеді.
Жылдың кез келген уақытында серуендеу кезінде сіз қызықты және пайдалы жұмыс таба аласыз. Мысалы, күзде балалармен бірге түскен жапырақтарды, құрғақ бұтақтарды жинай алсақ, ал қыста алаңдағы жолдарды күрекшелермен тазартып, қарды үйіп үйіп, сырғанақ және қар қалашықтарын сала аламыз, мұны балалар үлкен қуанышпен жасайды. . Ересек адамның міндеті - балалар еңбегін қуанышты ету, балаларға пайдалы дағдылар мен дағдыларды игеруге көмектесу.
Біздің балабақшада ешқандай серуен ойынсыз өтпейді.
Қыс кезінде біз далаға шыққанда ең бірінші бақылау жасаймыз, бүгін біз бұлтты бақыладық, аспанның ашық екенің байқадық, содан соң еңбек іс-әрекетіне көштік, өз алаңымыздың қарын тазаладық, әр бала бұл іске өз үлесін қосуға тырысты. Тек қана онымен қоймай біз жұмбақтар, өлеңдер жаттадық және де атрибуттары бар, аз қимылды және қимыл - қозғалыс ойындарын ойнадық. Соның ішінде: «Кімге қандай құрал керек?», «Соқыр теке»
Осылайша біз балалардың денсаулығы мен дамуына пайдасы бар серуен жүргіземіз.
Балаларыңызбен серуендеңіз! Серуендеу балаларды физикалық жағынан төзімді етеді, денсаулықты жақсартады, көңіл-күйді жақсартады және одан әрі табысты оқуға ықпал етеді.
{gallery}55/4{/gallery}
